Муус устар 1 күнүттэн Дьокуускайга бастакы кылааска барааччылары суруйуу саҕаланыаҕа. Оҕону «Госуслуги» уонна e-yakutia.ru порталлар нөҥүө сурутуохха сөп.
Оҕону оскуолаҕа ылыы икки түһүмэҕинэн барар: муус устар 1 — бэс ыйын 30 күннэригэр уочарата суох, бастакы уочарат уонна баһыйар бырааптаах оҕолорго уонна олорор сиринэн киирсэр оҕолорго; от ыйын 6 — балаҕан ыйын 5 күннэригэр атын аадырыска олорооччулар сайабылыанньаларын биэриэхтэрин сөп.
Бастакы кылааска 6,5 — 8 саастаах оҕолор ылыллаллар.Төрөппүт сайабылыанньатынан оҕо сааһа эрдэ эбэтэр хойутаабыт буолуон сөп.
Ханнык докумуоннар хомуллаллара уруккунан хаалла. Төрөппүт пааспарын, оҕо төрөөбүтүн туһунан сибидиэтэлистибэтэ, бу оскуолаҕа үөрэнэр бииргэ төрөөбүттэрин сибидиэтэлистибэлэрин куоппуйалара, олорор сиригэр регистациятын туоһулуур ыспыраапка.
