Дьокуускай — Аллараа Бэстээх паромун туорааһыныгар аҕыс паром сылдьар. «Саха сирин паромнара» УК салайааччыта Николай Ефимов иһитиннэрбитинэн, сотору кэминэн кинилэр ахсааннара 14 буолуоҕа.
«Билигин уу суолугар биһиги алта пароммут уонна «АЯМ» тутааччылар ассоциацияларын икки парома үлэлиир. Биир-биир тиэйэллэр. Өссө биир судно тахсыаҕа. Сотору паромнар ахсааннара 14-кэ диэри улаатыа. Билигин суднолары хонтуруоллуур уорганнарга туттарыы процедуралара бара тураллар», — диэн быһаарда Николай Ефимов.
Кини этэринэн, массыына мустуута элбэх. Ордук Аллараа Бэстээх өттүттэн элбэх фура кэтэһэн турар.
«Уочарат баар, ол эрээри биһиги үлэлээн, таһаҕаһы тиэйэн иһэбит, онон уочарат кыччыа. Икки өттүттэн массыына күүтэр сирдэрэ үлэлэрин саҕалаатылар», — диэтэ Николай Ефимов.
