18 Ыам ыйа 18.05
  • -7°
  • $ 104,68
  • 115,6

Айсен Николаев Сергей Шойгуга Тиксиигэ блочнай-модульнай куораты тутуу туһунан эттэ

13:01, 16 декабря 2019
Текст:

Дойду оборонаҕа миниистирэ Сергей Шойгуну кытта Ил Дархан Айсен Николаев көрүһүүтэ Москваҕа ахсынньы 13 күнүгэр буолла. Бу туһунан бырабыыталыстыба пресс-сулууспата иһитиннэрэр.


Айсен Николаев уонна Сергей Шойгу хоту сиргэ улахан инфраструктурнай бырайыактары олоххо киллэрии туһунан кэпсэттилэр.

Айсен Николаев Булуҥ оройуонун Тиксиитигэр салгынынан оборона үһүс дивизиятын салааларыгар блочнай-модульнай куораты тутуу туһунан сырдатта.

«Өрөспүүбүлүкэ Саха сиригэр байыаннай сэбилэниилээх күүстэр төннүүлэрин хоту сир сайдыытын кытта сибээстиир», — диэтэ Ил Дархан.

Куоракка 11 эбийиэк баар буолуоҕа: уопсай дьиэ, административнай куорпус, дизельнэй электростанция, уу, оттук базата, остолобуой, гараж.

Следите за самым важным и интересным в Telegram-канале и WhatsApp-группе ЯСИА
0
0