14 От ыйа 14.07
  • 31°
  • $ 87,74
  • 95,76

Авиацияҕа чэпчэтиилээх лизинг дьайыытын бөртөлүөккэ эмиэ көрүөхтэрэ

Читайте нас на
Яндекс Новости
ЯДВ
Россия бырабыыталыстыбата регионнарга аныгы бөртөлүөттэри ылыыларыгар чэпчэтиилээх лизинг бырагырааматын тарҕатыа. Ол туһунан премьер-миниистир Михаил Мишустин эттэ.

Михаил Мишустин быһаарбытынан, бырабыыталыстыба регионнар салгынынан тиэйэр-таһар хайысхаларын өйүүр бырагырааматын үлэтэ салҕанар. «Олохтоох көтүүлэри оҥорор авиахампаанньалар 10-ча сыл сөмөлүөттэри лиизиҥҥэ ылыыга субсидиянан туһаннылар. Билигин маннык бырагыраама дойдуга оҥоһуллубут аныгы бөртөлүөттэргэ эмиэ тарҕаныа», — диэтэ кини.

Мишустин эппитинэн, авиатаһааччылар-тийээччилэр «лиизининэн төлөһүүгэ мөлүйүөнүнэн солкуобайы экономиялыахтарын сөп, ол суотугар ыраах сытар, суола-ииһэ суох нэһилинньэлээх пууннарга көтүүлэрин элбэтиэхтэрэ».
Салгынынан айан президент тус хонтуруолугар тутуллар уонна улахан социальнай суолталааҕа этилиннэ.
Следите за самым важным и интересным в Telegram-канале и WhatsApp-группе ЯСИА