Муус устар 15 күнүттэн Саха сирин киин оройуоннарыгар муус суоллары сабар былааннаахтар. Бу күнтэн саҕалаан, «Лена-Транс» хампаанньа сыттык үктэллээх суудуналара сырыылара саҕаланыаҕа.
Хампаанньа салайааччыта Борис Строев ЯСИА-ҕа эппитинэн, киин куораттан «подушкалар» 203 микрооройуонтан «Парустар» аттыларыттан араҕыахтара.
««ЛенаВодСервис», «Лена Тур» уонна «Лена-Транс» хампаанньалар таһыахтара», – диэтэ Строев.
Муус устар 20-тин кэнниттэн «ЛенаВодСервис» Дьокуускай – Аллара Бэстээх, Кангалассы – Суотту уонна Хатас — Павловскай хайысхаларынан дьону таһыахтара.
Тарыып ааспыт сыллааҕынан хаалар, 2000 солк., айан балаһыанньата уустуктардаах буоллаҕына 2500 — 3000 солк буолуон сөп.
Үлэлиир эрэсиим: 07:00 — 20:00 чаас.
