Муус устар 17 күнүттэн салгын сыттыктаах уу тырааныспардара «Намыв» ыстаансыйаттан араҕар буолуохтара. Бу Дьокуускай куорат 204 микрооройуонугар баар.
Ол туһунан тырааныспар министиэристибэтэ иһитиннэрдэ. «Тырааныспардар билигин Дьокуускайтан 204 микрооройуонтан араҕар буолуохтара. Аллара Бэстээхтэн — «Тимир суоллар» тэрилтэ кэтэһэр пуунуттан», — диэтилэр биэдэмистибэҕэ.
Дьокуускай — Аллара Бэстээх хайысханан 30 «Хивус-10» суудуна, аҕыс «Тайфун» аэробот уонна үс «Нептун-23» тахсаллар.
