23 От ыйа 23.07
  • 20°
  • $ 87,78
  • 95,76

Саха сиригэр баһаар турар кутталлаах сезона биллэрилиннэ

Хаартыска: Саха сирэ саайт
Читайте нас на
Яндекс Новости
ЯДВ

Өрөспүүбүлүкэ сиригэр-уотугар баһаартан кутталлаах кэм биллэрилиннэ. Туһааннаах уураахха өрөспүүбүлүкэ бастакы вице-бэрэсидьиэнэ Дмитрий Садовников илии баттаата. Маннык дьаһал айылҕа-килиимэт уратытын учуоттаан ылылынна.

Олохтоох бэйэни салайыныы уорганнара ойуур баһаарыттан тахсар ыксаллаах балаһыанньаны сэрэтэргэ уонна туоратарга хайысхаланар тэрээһиннэри толорууну хааччыйыахтаахтар.

Эрдэ иһитиннэриллибитин курдук, ойуур баһаардарын умулларыыга 1200-тэн тахса уоту утары охсуһааччы — «Якутлесресурс» уонна «Авиалесоохрана» үлэһиттэрэ кыттыахтара.

Сөҥүүнү түһэрэр үлэ салҕаныаҕа. Былырыыҥҥы курдук, икки сөмөлүөтү туһаныы былааннанар. Санатан эттэххэ, былырыын баһаартан кутталлаах сезон 127 хонук устата – ыам ыйын 12 күнүттэн балаҕан ыйын 15 күнүгэр диэри барбыта.

Следите за самым важным и интересным в Telegram-канале и WhatsApp-группе ЯСИА