Арассыыйа спордун үтүөлээх маастара, СӨ физкультуратын уонна спордун үтүөлээх үлэһитэ, чэпчэки атлетикаҕа өрөспүүбүлүкэ сүүмэрдэммит хамаандатын старшай тренерэ Татьяна Жиркова Дмитрий Коркин аатынан судаарыстыбаннай бириэмийэ лауреата буолла.
Лауреат аата Татьяна Жирковаҕа Ил Дархан Айсен Николаев ыйааҕынан иҥэрилиннэ.
Докумуоҥҥа:«Физическэй култуураны уонна спорду сайыннарыыга, үрдүкү кылаастаах спортсменнары иитиигэ кылаатын, өрөспүүбүлүкэҕэ чөл олоҕу көҕүлээһиҥҥэ көхтөөх уопсастыбаннай үлэтин иһин Арассыыйа спордун үтүөлээх маастарыгар, СӨ физкультуратын уонна спордун үтүөлээх үлэһитигэр, чэпчэки атлетикаҕа өрөспүүбүлүкэ сүүмэрдэммит хамаандатын старшай тренеригэр Татьяна Жирковаҕа Дмитрий Коркин аатынан судаарыстыбаннай бириэмийэ лауреата ааты иҥэрэргэ», — диэн суруллубут.
