«Түүҥҥү бөрөлөр» байкердар саҥа дьиэлэннилэр. Кинилэр «Норуот фронун» чэрчитинэн грант ыллылар уонна ити үбүгэр-харчытыгар саҥа мото-киини оҥордулар.
Дьокуускай куорат баһылыга Айсен Николаев байкердар көҕүлээһиннэрин өйөөтө уонна кинилэр кулууптарыгар ыалдьыттаата.
«Түүҥҥү бөрөлөр» мотокулууп чилиэннэрэ куоракка быраҕыллан турбут эбийиэги ылан өрөмүөннээтилэр. Ити түмүгэр бу кииҥҥэ киһи кута-сүрэ тохтуур буолла. Мото-кулууп киинигэр биһиги куораппытыгар мотоциклынан айаннаан кэлэр уонна ааһар дьон тохтуохтара», — диэтэ куорат мээрэ. Ону таһынан кулууп үүнэр көлүөнэни патриот тыыныгар иитэрин ойуччу тутан бэлиэтээтэ.
