21 Муус устар 21.04
  • $ 93,44
  • 99,58

Саха сиригэр үс уонна онтон элбэх оҕолоох ыалга дьиэ ыларга социальнай төлөбүр көрүллүө

Хаартыска: Саха сирэ саайт
Читайте нас на
Яндекс Новости
ЯДВ
Саха сиригэр үс уонна онтон элбэх оҕолоох дьиэ кэргэҥҥэ дьиэ атыылаһалларыгар эбэтэр тутталларыгар биир кэмнээх төлөбүр бэриллиэ, суруйда Саха сирэ саайт.

Ааспыт 12 сылга маннык көмөнү 20 ыал уопсайа 100 мөл. солк. тахсаны ылбыта. Чуолаан, өрөспүүбүлүкэҕэ 2023 сылга биир кэмнээх харчынан көмөнү 4 ыал ылбыт. Бу холбоон 22,3 мөл. солк. суумаҕа тэҥнэспит диэн, СӨ Үлэҕэ уонна социальнай сайдыыга министиэристибэтэ иһитиннэрэр.

Үс уонна онтон элбэх оҕолоох ыалларга биир кэмнээх харчынан төлөбүрү биэрии бэрээдэгэ, олорор дьиэни атыылаһыыга эбэтэр тутууга Саха Өрөспүүбүлүкэтин Бырабыыталыстыбатын уурааҕынан бигэргэммитэ.

Бу өйөбүл демографическай суолталааҕынан, төлөбүрү биэрии олорор усулуобуйаны тупсарыыга наадыйыы ирдэбилигэр да, атын да хааччахтааһыны учуоттаабакка бэриллиэхтээх диэн СӨ Бырабыыталыстыбатын пресс-сулууспата иһитиннэрэр.

Саха сирэ Уһук Илиҥҥэ саамай элбэх оҕолоох дьиэ кэргэннээх эрэгийиэнинэн буолар. Оҕо төрөөһүнүн ахсаанынан өрөспүүбүлүкэ Уһук Илиҥҥэ 1 миэстэни уонна дойду үрдүнэн 8-с миэстэни ылар. Саха сирин демографическай балаһыанньата тупсарыгар федеральнай уонна өрөспүүбүлүкэтээҕи дьаһаллар өйөбүл буолаллар.

Кэнники 5 сылга өрөспүүбүлүкэҕэ ийэ буолууну уонна оҕо төрөөһүнүн өйөөһүҥҥэ үбүлээһин кээмэйэ 8 төгүл улаатта.

Саха Өрөспүүбүлүкэтэ төрүттэммитэ 100 сылыгар сөп түбэһиннэрэн «Сүүс сыл оҕолоро» тус сыаллаах хапытаал дьаһала Ил Дархан Айсен Николаев быһаарыытынан өссө 5 сылга, ол аата 2027 сылга диэри уһатылынна. Оттон «Дьиэ кэргэн» өрөспүүбүлүкэтээҕи ийэ хапытаала үһүс уонна ол кэнниттэн кэлэр оҕо төрөөтөҕүнэ икки төгүл – 300 тыһыынча солкуобайга диэри улаатта.

Следите за самым важным и интересным в Telegram-канале и WhatsApp-группе ЯСИА