24 Ыам ыйа 24.05
  • -7°
  • $ 104,68
  • 115,6

Ньурба Антоновкатыгар Быыһыыр сулууспа этэрээтин байыастара булчуттары быыһаатылар

11:01, 09 ноября 2021
Текст:

СӨ Быыһыыр сулууспатын Ньурбатааҕы этэрээтин байыастара өрүс уҥуор туһахтыы тахсан баран моһуогурбут дьону быыһаатылар. Бу туһунан этэрээт салайааччыта Афанасий Романович Ноев иһитиннэрдэ.

Антоновка икки олохтооҕо Бүлүү өрүс уӊуор туһахтарын көрө тахса сылдьыбыттар. Кэлэн иһэн биирэ өйүн сүтэрэн охтубутун табаарыһа сүгэн-соһон аҕалан испит. Сибээс баар сиригэр тиийэн кэлэн, СӨ Быыһыыр сулууспатыгар 19 ч. 30 мүн. төлөппүөнүнэн эрийэн биллэрбит.

Тутатына СӨ Быыһыыр сулууспатын Ньурбатааҕы этэрээтин байыастара Иванов А.С. уонна Обутов В. В. снегоходунан баран, булчуттары Бүлүү өрүстэн 5 км тэйиччи баар Оһох диэн сиргэ утары көрсөн аҕалбыттар уонна «Суһал медицинскэй көмө» сулууспатын үлэһиттэригэр биэрбиттэр. 1956 сыллаах төрүөх К. диэн Октябрьскай нэһилиэк олохтооҕо кэлэн иһэн аара суолга өйдөнөн кэлбит. Улуустааҕы киин балыыһа салалтата биллэрбитинэн, эмсэҕэлээбит киһи билигин туруга орто.

Ньурба хаһыат

Следите за самым важным и интересным в Telegram-канале и WhatsApp-группе ЯСИА
1
0
Тутаах тыллар