23 От ыйа 23.07
  • 28°
  • $ 87,78
  • 95,76

Кырдьаҕас инбэлиит ыһыахха оҥоһугун атыылаан үөрдэ

23:34, 25 июня 2018
Текст:
Читайте нас на
Яндекс Новости
ЯДВ

Сувенирдары атыылыыр дьон быыстарыгар биир киһи бэйэтин оҥоһуктарын атыылыы олорорун көрөн чугаһаатым.

edersaas.ru

Кэпсэтэн билсибитим, 73 саастаах Николай Наумов диэн кырдьаҕас эбит.

Төбөм эппирээссийлээх. 33 сыл буолла инбэлиит буолбутум. Кырыйдым, ыарыһахпын диэн баран, ыһыктынан кэбиспэппин. Бу кыаммат буолан, харчыга наадыйан атыылыы олорор дии санаама. Ханнык баҕарар киһи сөбүлүүр дьарыктаах буолуохтаах. Оччоҕуна бириэмэни билбэккэ хаалар уонна кырдьыбат. Ол дьарыгы сайыннаран, атыылаан харчыланнаххына, үлэлээх курдук сананаҕын. Мин сайыҥҥы өттүгэр дьиэ, даача туттар дьон наадыйбакка бырахпыт мастарын хомуйан, туһаҕа таһаарабын. Ол эбэтэр сайын мунньубут матырыйаалбынан кыһыҥҥы өттүгэр ытык, дэйбиир, хабылык, хаамыска, араас быстахха туттар мас иһити кыһан оҥоробун. Инньэ гынан күн солото суох сылдьабын. Бэйэм үрдүк үөрэхтээх геолог этим. Үс уоллаахпын. Кэргэним эмиэ туспа дьарыктаах. Иккиэн оҕолорбутуттан туспа олоробут. Оҕолор, сиэннэр кэлэ-бара сылдьаллар, —— диэн кэпсиир ытык кырдьаҕас.

Николай Наумов ытыгын — 400 солк., хабылыгын – 200 солк., хаамыскатын — 100 солк. мас ньуоскатын дуогабарынан атыылыы олороро. Ити курдук, инбэлиит киһи, бэйэтин дьарыктаан, санаатын бөҕөргөтөн, Туймаада ыһыаҕар эмиэ кыттан, сэргэхсийэн барда.

Елена ПОТОЦКАЯ, «Саха сирэ» хаһыат, edersaas.ru

Ааптар хаартыскаҕа түһэриитэ.

 

 

0

0
Следите за самым важным и интересным в Telegram-канале и WhatsApp-группе ЯСИА