18 От ыйа 18.07
  • 18°
  • $ 88,09
  • 96,3

«Тыгын Дархан» SIFFA киинэбэстэбээлигэр Гран-при буолла

11:11, 10 ноября 2021
Текст:
Читайте нас на
Яндекс Новости
ЯДВ

SIFFA диэн Сочига буолбут норуоттар икки ардыларынааҕы киинэбэстэбээлигэр сүрүн бирииһи саха киинэтэ ылбытын туһунан, «РОССИЯ.Сочи» телеканала биллэрдэ. Василий Семенович Яковлев – Далан “Тыгын Дархан” уонна “Тулаайах оҕо” диэн айымньыларынан уһуллубут «Тыгын Дархан» диэн киинэни Никита Аржаков режиссердаан 2020 сыллаахха таһаарбыта.

Сэтинньи 5-тэн 9-гар диэри Арассыыйа уонна Британия икки ардыларынааҕы VI киинэбэстэбээлэ уонна «ИРИДА» киинэбириэмийэтэ Сочи Олимпийскай пааркатыгар буолла.

Нина Кочеляева диэн киинэбэстибээлин бырагыраамматын дириэктэрэ эппитинэн, быйыл куонкуруска 600 тахса дойду иһиттэн уонна таһыттан сайаапка бөҕөтө киирбит. Ол киирбит сайаапкалартан дьүүллүүр сүбэ куонкуруска кыттарга 12 толору, 9 кылгас уонна 7 документальнай киинэлэри талбыт. Киинэлэр бары араас дойдуга оҥоһуллубуттар: Арассыыйа, АХШ, Великобритания, Казахстан, Индия, Ирак, Израиль, Абхазия, Соҕуруу Корея, Кытай, Франция, Австралия, Турция уо д.а.

Киинэбэстэбээлин дириэктэрэ Любовь Балагова этэринэн, быйылгы бэстэбээлгэ сүрүн болҕомтону саҥа тахсыбыт киинэлэргэ уурбуттар. Иккиһинэн регионнарга уһуллубут араас киинэлэр бэстэбээлгэ кыттыбыттарын бэлиэтээтэ.

Бу «Тыгын Дархан» киинэ иккис улахан кыайыыта буолар. Эрдэ «Вече» диэн историческай киинэбэстэбээлин сүрүн бирииһин ылан турардаах.

Следите за самым важным и интересным в Telegram-канале и WhatsApp-группе ЯСИА