28 Кулун тутар 28.03
  • -11°
  • $ 92,59
  • 100,27

«Тыгын Дархан» «Вече» фестивальга үс бирииһи ылла

11:01, 08 декабря 2020
Текст:
Читайте нас на
Яндекс Новости
ЯДВ

Новгород куоракка ыытыллыбыт бүтүн Арассыыйатааҕы ХIV-с «Вече» историческай киинэлэр фестивалларыгар режиссер Никита Аржаков «Тыгын Дархан» киинэтэ үс бирииһи ылла.


«Тыгын Дархан» киинэ фестиваль сүрүн номинациятын — Россия норуодунай артыыһа, фестиваль бэрэсидьиэнэ Светлана Дружинина анал бирииһин ылла.

Киинэ оператора Юрий Бережнев фестиваль бастыҥ операторынан, сүрүн оруолу толорооччу Ньургун Бэчигэн — бастыҥ артыыһынан буоллулар.

Эрдэ биллэрбиппитинэн, күрэххэ барыта аҕыс киинэ кытынна: Илья Учитель «Стрельцов» киинэтэ, Арсен Агаджанян «Я подарю тебе победу», Анна Чернакова «Про Лелю и Миньку», Эдуард Парри «От печали до радости», Оксана Карас «Доктор Лиза», Вадим Шмелев «Подольские курсанты» уонна Андрей Зайцев «Блокадный дневнига». Киинэлэри коронавирус дьаҥыттан харыстанар сыалтан 16 сааланан көрдөрдүлэр.

Фестиваль бэҕэһээ, ахсынньы  7  күнүгэр түмүктэннэ.

«Тыгын Дархан» —XVI-XVII үйэлэр кирбиилэригэр саха норуотун олоҕун сэһэргиир историческай киинэ СӨ бырабыыталыстыбатын сорудаҕынан, Саха АССР тэриллибитэ 100 сылын көрсө уһуллубута.

Киинэни 11 улууска — Ньурбаҕа, Аммаҕа, Хаҥаласка, Горнайга, Кэбээйигэ, Чурапчыга, Өймөкөөҥҥө, Дьааҥыга уонна Дьокуускайга баар «Үс Хатыҥ» комплекска устубуттара. Барыта 10 тыһыынчаттан тахса киһи кыттыыны ылбыта.

Следите за самым важным и интересным в Telegram-канале и WhatsApp-группе ЯСИА