29 Кулун тутар 29.03
  • -14°
  • $ 92,26
  • 99,71

Өлөөкө Күөлүгэр ыччат спартакиадата

10:05, 11 апреля 2016
Текст:
Читайте нас на
Яндекс Новости
ЯДВ

Ыччат иккис улуустааҕы Спартакиадата Бастакы Хаҥаласка ыытылынна. Өлөөкө Күөлүн сиригэруотугар ыччат тоҕуоруһа мустан, спорка дьоҕурдарын, маастарыстыбаларын көрдөрдүлэр, олохтоохторго, ыалдьыттарга элбэх умнуллубат түгэни бэлэхтээтилэр.


Спартакиада Өлөөкө Күөлүн «Эрэл» эдэр ыччат түмсүүтэ тэриллибитэ 20 сыллаах үбүлүөйүгэр ананна. Күрэххэ Орто Халыма куорат, Эбээх, Сыбаатай, Өлөөкө Күөлэ, Сылгы Ыытар хамаандалара кытыннылар. Кыттааччы уопсай ахсаана — 78.

Спартакиада 7 көрүҥҥэ ыытылынна. Волейболга Орто Халыма куорат хамаандата эрэллээхтик бастаата. Канат тардыытыгар Сылгы Ыытар ыччата тэҥнээхтэрин булбата. «УАЗ-экстримҥэ» (массыынаны 200 миэтэрэҕэ тардыыга) Сыбаатай эдэр ыччата 1 мүн. 17 сөк. соһон кэлэн, кыайыы өрөгөйүн биллэ. Кэлиҥҥи сылларга улууска сөбүлээн ыытыллар шорт-треккэ куорат хамаандата бастаата. Биатлоҥҥа хамаандаттан 2 кыыс, 2 уол биир килэмиэтиргэ хайыһарынан сүүрдүлэр, сыалы туран ыттылар. Бу көрүҥҥэ бастыҥ көрдөрүүнү Эбээх ыччата ситистэ. Остуол тенниһигэр — Сылгы Ыытар, эстафетаҕа Өлөөкө Күөлүн хамаандалара бастыҥнарынан ааттаннылар.

Уопсай түмүккэ Эбээх бөһүөлэгин эдэр ыччата Сыбаатай хамаандатын биир очконан баһыйан, III-с миэстэ буолла. Кинилэргэ 10000 суумалаах харчынан бириис туттарылынна. II-с миэстэҕэ тиксибит Сылгы Ыытар хамаандата 15000 солк., оттон эрэллээхтик I-кы миэстэ буолбут Орто Халыма хамаандата 25000 солк. наҕараадаланна.

Өлөөкө Күөлүн «Эрэл» эдэр ыччат түмсүүтүн бэрэссэдээтэлэ Мария Суханова бу курдук санаатын үллэһиннэ:«Спартакиада үрдүк таһымҥа ыытыллыбыта — олохтоох эдэр ыччат түмсүүлээҕин, биир санаанан салайтаран олорорун туоһулуур. Тэрээһини ыытарга үп-харчы өттүнэн көмөлөспүт, сүрүн бириистэри туруорбут олохтоох дьаһалтаҕа, ыччат уонна дьиэ кэргэн политикатын улуустааҕы салаатыгар, тэрээһиҥҥэ көмөлөспүт тэрилтэлэргэ түмсүү аатыттан махталбытын биллэрэбит».

Следите за самым важным и интересным в Telegram-канале и WhatsApp-группе ЯСИА