Саха биллиилээх боксердара Василий Егоров, Евгений Мартынов уонна Валерий-Талбан Егоров регионнар икки ардыларынааҕы Бүтүн Арассыыйатааҕы I спартакиада кыттыылаахтарын састаабыгар киирдилэр. Сайыҥҥы көрүҥнэргэ улахан күрэхтэһии атырдьах ыйын 10 күнүттэн алтынньы 2 күнүгэр диэри ыытыллыаҕа диэн СИА кэпсиир.
Састаабы Арассыыйа сүүмэрдэммит хамаандатын бюротугар иһитиннэрдилэр. Үс Саха боксердара бары араас регионнартан тахсыахтара. Ол курдук, аан дойду вице-чемпиона Василий Егоров Москва аатыттан, Арассыыйа чемпионатын призера Евгений Мартынов Санкт- Петербуртан, оттон нефтээх дойдулар ортолоругар аан дойду кубогын финалиһа Валерий-Талбан Егоров резервэҕэ киирэн, төрөөбүт Сахатын сирин туһугар туруулаһыан сөп.
Спартакиада уһун болдьохтоох бырайыак буолар-икки ый устата салҕанар. Спорт хас биирдии көрүҥүн күрэхтэһиитэ ханна буоларын дойду спорка министиэристибэтэ быһаарар. Барыта 40 көрүҥҥэ мэтээллэр оонньонуохтара.
