Горнай улууһун Бэрдьигэстээҕэр кулун тутар 12 — 17 күннэригэр 2006 — 2007 сыллааҕы төрүөхтэргэ Саха сиригэр бастыыр иһин боксаҕа күрэхтэһии буолар. Тэрээһин өрөспүүбүлүкэ үтүөлээх тренерэ Артур Кравченко сырдык аатыгар ананар.
Алдан, Ньурба, Сунтаар, Горнай, Чурапчы, Хаҥалас, Бүлүү, Уус Алдан, Таатта, Мэҥэ Хаҥалас, Нам, Кэбээйи, Өлүөхүмэ улуустарын, Дьокуускай, Ленскэй, Нерюнгри уонна Мииринэй куораттартан, олимпийскай саппаас училищетын спортсменнара кытталлар.
48, 51, 54, 57, 60, 63,5, 67, 71, 75, 80, 86, 92, 92+ кг ыйааһыннарга киирсиэхтэрэ.
Финалистар Уһук Илиҥҥи федеральнай уокурукка бастыыр иһин күрэхтэһиигэ кыттыахтара.
