Бүгүн, муус устар 26 күнүгэр, 2018 сыллааҕы баһаар сезонугар бэлэмнэнии чэрчитинэн үөрэх ыытылынна.
“Биһиги Намсыырдыыр аартык 7 килэмиэтиригэр үөрэх ыыттыбыт. Усулуобунай ойуур баһаара 10 гектарга бара турара. Уонна тыал күүһүрэн чугастааҕы даачаларга суоһуурун туһунан этиллибитэ. Маны туоратарга Якутлесресурс сирдээҕи сулууспата, ойууру авиациянан харыстааһын сулууспата, ЫБММ аэромобильнай бөлөҕө кытыннылар. Үөрэх ситиһилээхтик ыытылынна”, — диэтэ Саха сирин ойуур сыһыаннаһыытыгар департаменын салайааччытын солбуйааччы Дьулустаан Хон.
Кини этэринэн ойууру харыстааһын салаалара 50 тахса нэһилиэнньэлээх пууну быыһыыллар.
Бу усулуобунай уоту умулларыыга тустаах тэрилтэлэртэн сүүрбэлии киһи кытынна.
Артемий Грошев.
