Быйыл атырдьах ыйын 18 күнүттэн «Тайная жизнь домашних животных» анимационнай кэмиэдьийэ Россия олохтоохторун көрүүтүгэр аан бастаан тахсар.
Киинэ аан дойду прокатыгар улаханнык биһирэммитин туһунан киин бэчээт суруйар. Дьиэ кыыллара хаһаайыттарын кытта эмиэ көрүөхтэрин сөп. Москваҕа «Октябрь» киинэ киинигэр атырдьах ыйын 10 күнүгэр кыыллаах дьон тиийэн көрөр кыахтаахтар. Ол туһугар ыт, куоска, о.д.а. дьиэ кыылын арааһын иитээччилэр бэйэлэрин кыылларын көрдөөх түгэнин видеоҕа устан LifeFun мобильнай приложениеҕа ыытыахтаахтар.
Куонкурус түмүгүнэн уонна дьон куоластааһынынан кыайыылаах быһаарыллар. Кинилэр атырдьах ыйын 8 күнүгэр киинэни көрө тиийиэхтэрин сөп. Кыайыылаахтарга дьикти уонна сэдэх бэлэхтэри туттарыахтара.
