Россия штангистара Татьяна Каширина, Анастасия Романова уонна тустуук Виктор Лебедев допины тутта сылдьыбыттарын иһин Рио-де-Жанейроҕа ыытыллар Олимпиадаҕа Россия сүүмэрдэммит хамаандатын састаабыгар киллэриллибэттэр. Ити туһунан «Р-Спорт» агентствотыгар дойду Олимпийскэй кэмитиэтин салайааччыта Александр Жуков эттэ.
Урукку өттүгэр допины тутта сылдьыбыт спортсменнар быйылгы күрэхтэһиигэ кытталларын дуу, кыттыбаттарын дуу туһунан ыйытыкка хоруйдууругар кини «Кырдьык, дойду икки штангиһа уонна биир тустууга Олимпиадаҕа кыттыбаттар», —диэтэ.
Норуоттар икки ардыларынааҕы Олимпийскэй кэмитиэт ситэриилээх кэмитиэтэ быйылгы Оонньуулартан Россия хамаандаларын барыларын туораппат туһунан быһаарыыны бу өрөбүлгэ ылбыта. Манна ким кыттарын быһаарар быраабы биэрдэ, онно допины тутта сылдьыбатах спортсменнар киириэхтээх бэрээдэктэрин ыйда.
