Саха сириттэн төрүттээх Арыйан Тютрин Олимпийскай оонньууларга көҥүл тустууга кыттар быраабы ылла. Аан дойду аренатыгар Беларуссияны ааттатар бөҕөс түөрт сылга биирдэ буолар сүрүн стартка бастакы кыттыыта, суруйда ЯСИА.
Арыйан Тютрин 57 кг диэри Европейскайдааҕы квалификационнай турнирга кытынна. Сопернигынан Томас Эпп Швейцарияттан таҕыста. Кинини 10:0 ахсаанынан кыайда.
Салгыы 10:6 ахсаанынан аан дойду чемпионатын боруонса призерун Хорст Леры кыайда, Германия.
Финал аҥарыгар Тютрин, ыарахан киирсиигэ, Европа үс төгүллээх призерун Георгий Вангеловы, Болгария, 7:3 ахсаанынан баһыйа түстэ.
Бу турнирга финал ыытыллыбат, Олимпиадаҕа путевка оонньонор.
Онон Саха сирин бөҕөһө Беларусь сүүмэрдэммит хамаандатыгар бастакы лицензияны аҕалла уонна Олимпиадаҕа кыттар быраабы ылла.
