24 Олунньу 24.02
  • -38°
  • $ 92,75
  • 100,44

Тоҥ балыгы бастыҥ кыһааччыга 50 тыһ солк биэриэхтэрэ

11:35, 27 ноября 2023
Текст:
Хаартыска: Мария Васильева, ЯСИА
Читайте нас на
Яндекс Новости
ЯДВ

«Тоҥ балык — 2023» күрэхтэһиигэ балыгы кыһарга 16 хамаанда кыттаары бэлэмнэнэр, суруйда «Саха сирэ» сайт. Тэрээһин ахсынньы 3 күнүгэр Дьокуускайга буолуоҕа.

Тэрээһин сүрүн ирдэбилэ – эр киһи кыһар, дьахтар ону иһиккэ тупсаҕайдык ууран дьүүллүүр сүбэҕэ тиксэрэр. Кыайыылааҕы түргэн бириэмэ быһаарар.

Ахсынньы 3 күнүгэр Ю.А. Гагарин аатынан култуура уонна аныгы ускуустуба киинигэр ыытыллар кэрэхсэбиллээх күрэс үс сорудахтаах: дьиэтээҕи үлэ (сиикэй балыктан талбытынан бүлүүдэ), сүүмэрдиир түһүмэх уонна кыайыылааҕы быһаарар түгэн.

Сүүмэрдээһин түмүгэр 6 хамаанда хаалан, бастыыр иһин киирсиэхтэрэ.

Быйылгы бириис — харчынан бириэмийэ — кыттааччыларга салгыы сайдалларыгар туһалыаҕа. Ол курдук:

«Дьиэтээҕи үлэ» — 20 тыһыынча солкуобайдаах сэртипикээт;

«Түргэнник кыһыы» — 30 тыһыынча солкуобайдаах сэртипикээт;

«Кыһыы хаачыстыбата» — 40 тыһыынча солкуобайдаах сэртипикээт;

«Гран-при» — 50 тыһыынча солкуобайдаах сэртипикээт.

Тэрээһин «Кыһын Саха сириттэн саҕаланар» бэстибээл чэрчитинэн ыытыллар.

Ааптар: Елена Потоцкая

Следите за самым важным и интересным в Telegram-канале и WhatsApp-группе ЯСИА