19 Кулун тутар 19.03
  • -17°
  • $ 91,98
  • 100,24

Таатта Ытык-Күөлүгэр "Хаарбах дьиэттэн дьону көһөрүү" бырагырааманан саҥа дьиэ үлэҕэ киирдэ

17:01, 14 января 2022
Читайте нас на
Яндекс Новости
ЯДВ

Таатта улууһун киинигэр «Хаарбах дьиэттэн дьону көһөрүү» бырагырааманан 5 этээстээх, 66 кыбартыыралаах таас дьиэ үлэҕэ киирдэ.

Ойуунускай аатынан уулусса 40 нүөмэригэр турар, аныгылыы тупсаҕай оҥоһуулаах, толору хааччыллыылаах дьиэ тутуутун Михаил Исаков салайда. Исаков салайыытынан үлэлээбит «Экострой» тэрилтэ тутууну 2019 сылга саҕалаан баран, бу сыл саҕатыгар ситэрэн-хоторон үлэтин бүтэрдэ.

Дьиэ үлэҕэ киириитин үөрүүлээх тэрээһинигэр «Таатта улууһа» МО баһылыга Михаил Соров, «Таатта нэһилиэгэ» МТ баһылыга Егор Павлов, «Экострой» тэрилтэ генеральнай дириэктэрэ Михаил Исаков саҥа дьиэ хаһаайыттарын эҕэрдэлээн тыл эттилэр. Саҥа дьиэҕэ киирии сиэрин-туомун Таатта улууһун ыччат дьыалатын уонна дьиэ кэргэн политикатын отделын салайааччыта Иван Иванов толордо.

Саҥа дьиэ хаһаайыттара  сырдык, ыраас кыбартыыра күлүүһүн туттулар. Хаарбах туруктаах дьиэлэр оннугар саҥа тупсаҕай дьиэлэри туттахха нэһилиэк тас көстүүтэ тупсарын таһынан дьон олоҕун таһыма үрдүүр.

Таатта хаһыат

Следите за самым важным и интересным в Telegram-канале и WhatsApp-группе ЯСИА