Быйыл Сылгыһыт күнэ Чурапчы улууһугар ыытыллыа. Бу туһунан тыа хаһаайыстыбатын миниистирэ Александр Атласов социальнай ситимнэринэн быһа тахсыытын кэмигэр иһитиннэрдэ.
«Бырааһынньык чэрчитинэн семинар ыытыллара, араас күрэхтэр буолаллара былааннанар. Улуус дьаһалтатын, нэһилиэк баһылыктарын кытары тэрээһин үлэтин ыытабыт», — диэтэ миниистир.
Сылгыһыт күнэ 2017 сыллаахтан кулун тутар 21 күнүгэр бэлиэтэнэр. Сылын аайы бырааһынньык атын атын улууска ыытыллар. 2019 сыллаахха Үөһээ Бүлүүгэ, былырыын Хаҥаласка буолбута.
