27 Тохсунньу 27.01
  • -48°
  • $ 73,82
  • 83,32

Сахалин "Азия оҕолоро" бастакы Кыһыҥҥы спортивнай Оонньууну ыларга бэлэм

09:15, 09 июля 2016
Текст:

Сахалин 2018 сылга «Азия оҕолоро» бастакы Кыһыҥҥы спортивнай Оонньууну ыларга бэлэм. Бу туһунан бээтинсэҕэ регион спорка уонна ыччат бэлиитикэтигэр минииистирэ Антон Зайцев ТАСС-ка иһитиннэрдэ.


«Азия оҕолоро» Норуоттар икки ардыларынааҕы бастакы Кыһыҥҥы спортивнай Оонньууну Сахалиҥҥа ыытар туһунан бырайыак оҥоһулла сылдьар. Бүгүн мин губернаторы кытта көрсөбүн, онно кэпсэтиэхтээхпит. Күрэхтэһиини баар инфраструктураҕа олоҕуран ыытар былааннаахпыт. Бу хайыһар икки көрүҥэ, биатлон, фристайл, мууска спорт», — диэтэ Зайцев.

Билигин региоҥҥа 2018 сыл Олимпиадатыгар Россия сүүмэрдэммит хамаандата бэлэмнэнэригэр анаан спортивнай объектар тутуллалларын эттэ. Чуолаан, бу объектар «Азия оҕолоругар» туһаныллыахтара. «Биһиги спортсменнары эрэ бэлэмнээһининэн муҥурдаммакка, бу баар инфраструктураны туһаҕа таһаарыахтаахпыт — оҕолорбутугар. Оччотугар регион аан дойду таһымыгар тахсарыгар олук ууруо», — бэлиэтээтэ миниистир.

Бу нэдиэлэҕэ Дьокуускай куоракка «Азия оҕолоро» Норуоттар икки ардыларынааҕы Оонньуу арылынна, старды премьер-миниистир Дмитрий Медведев биэрдэ. Ил Дархан Егор Борисов Кыһыҥҥы Оонньууну Саха сирин территориятыгар ыытарга диэн этии оҥордо. «Азия оҕолоро» Оонньуу Норуоттар икки ардыларынааҕы кэмиэтиэтин президенэ Дмитрий Глушко бэлиэтээбитинэн, Сахалиҥҥа тэҥнээтэххэ Саха сиригэр сөптөөх инфраструктура суох уонна олус тыйыс айылҕалаах.

«Азия оҕолоро» Оонньуу — Норуоттар икки ардыларынааҕы олимпийскай кэмитиэт уонна ЮНЕСКО өйөбүлүнэн ыытыллар Россияҕа соҕотох бырайыак. Кэлэр Оонньуу 2020 сылга Монголияҕа Улан-Батор куоракка былааннанна. Оттон 2024 Дьокуускайга төннүө. Оонньуу Саха сиригэр 1996 сылтан саҕаламмыта.

0
0
27 января 27.01
  • -48°
  • $ 73,82
  • 83,32