Саха сирин сүүмэрдэммит хамаандата Россиятааҕы мас-рестлинг чемпионатыгар кыттар. Хамаандаҕа өрөспүүбүлүкэ 47 бастыҥ мас тардыһааччылара киирдилэр. Турнир Тверь куоракка муус устар 23-24 күннэригэр ыытыллар. Манна кыайбыттар аан дойду чемпионатыгар путевканы ылаллар, оттон үрүҥ көмүс мэтээллээхтэр Европа чемпионатыгар дойду чиэһин көмүскүү барыахтара.
«Тверь куоракка Саха сириттэн уопсайа 47 спортсмен тиийиэҕэ. Кинилэр бары мас тардыһыытын улахан күрэстэһиилэрин бастыҥнара. Хас биирдии ыйааһыҥҥа кыһыл, үрүҥ көмүс мэтээллэри ылар толору кыахтаахпыт», — диэн СИА-ҕа Саха сирин, Россия ыстаарсай тренерэ Николай Константинов эттэ.
Россия чемпионатыгар эр дьон сэттэ ыйааһыҥҥа: 60, 70, 80, 90, 105, 125 диэри уонна 125 кг үөһээ), оттон дьахталлар 55, 65, 75, 85 диэри уонна 85 кг үөһээ күрэстэһиэхтэрэ. Хас биирдии бөлөххө сахалар инники күөҥҥэ тураллар. Кыайыылаахтар балаҕан ыйын 1-8 күннэригэр Киргизияҕа буолар аан дойду чемпионатыгар барыахтара, оттон үрүҥ көмүс мэтээллээхтэр от ыйын 21-25 күннэригэр Грузияҕа ыытыллар Европа чемпионатыгар кыттыахтара.
«Саамай күүстээх күрэстэһээччи — Ямало-Ненецкэй АО бэрэстэбиитэлэ Дмитрий Сэротэтто. Кини Роман Дмитриев аатынан турнирга 70 кг. диэри ыйааһыҥҥа үһүс миэстэни ылбыта. Дмитрий чемпионакка дьаныардаахтык бэлэмнэнэ сылдьар. 90 кг. диэри ыйааһыҥҥа Россия икки төгүллээх чемпиона Роман Искандеров кыттар, оттон 105 кг диэри ыйааһын бөлөҕөр Владимир уобалаһыттан Анатолий Шмырев баар», — диэтэ Николай Константинов.
Россия чемпионатыгар Смоленскайтан Виктор Колибабчук кэлиэҕэ. Сахалартан Томпо улууһуттан Сергей Фролкин киниэхэ сүрүн утарсыыны оҥоруоҕа.
Саха сирин сүүмэрдэммит хамаандатыгар киирдилэр:
— 60 кг. диэри:
Сергей Черкашин; Степан Сосин; Дмитрий Неустроев; Павел Кычкин; Евгений Удин; Игорь Дьяконов.
— 70 кг. диэри:
Геннадий Борисов; Михаил Емельянов; Артур Орлов; Сергей Константинов; Афанасий Платонов; Николай Апросимов; Михаил Ковалик.
— 80 кг диэри:
Мичил Прокопьев; Алексей Федоров; Анатолий Гладков; Сергей Петров; Семен Готовцев; Семен Атаков; Ньургун Пестряков.
—90 кг диэри:
Борис Степанов; Павел Черноградский; Дмитрий Попов; Иван Белолюбский; Егор Баишев.
—105 кг диэри:
Виктор Докалов; Василий Алексеев.
—125 кг диэри:
Никита Пестряков; Рустам Ксенофонтов; Михаил Гоголев; Анатолий Баишев.
—125 кг үөһээ:
Сергей Фролкин; Евгений Иванов.
Дьахталлар сүүмэрдэммит хамаандаларыгар киирдилэр:
—55 кг диэри:
Анна Терентьева; Анна Охлопкова; Анна Неустроева; Сардана Осипова.
—65 кг диэри:
Екатерина Белолюбская; Алина Турчина; Анна Окорокова; Ирина Севрюк; Марина Федоренко.
—75 кг диэри:
Туяра Орлова; Яна Захарова.
— 85 кг диэри:
Варвара Мякишева; Саина Седалищева.
— 85 кг үөһээ:
Татьяна Григорь; Любовь Дроботова.
