Саха боксердара Леон Никифоров уонна Павел Васильев 18-гар диэри саастаах уолаттарга Арассыйа күрэхтэһиитигэр иккилиитэ кыайдылар. Кинилэр полуфиналга тахсар иһин киирсиэхтээхтэр, финал 1/4 стадиятыгар бэйэтин күрэхтэһиитин өссө биир саха спортсмена Вячеслав Долганов ыытыаҕа, диэн СИА иһитиннэрэр.
Саха сириттэн Леон Никифоров (60 киилэҕэ диэри) Москва уобалаһын уонна Калининград бэрэстэбиитэллэрин киирсиилэригэр эрэллээхтик бастаата. Кини ыам ыйын 17 күнүгэр 1/4 финалыгар киирсиэхтээх.
Кинини кытта финал 1/4 стадиятыгар 48 киилэҕэ диэри чэпчэки ыйааһыҥҥа Павел Васильев таҕыста. Эрдэ Руслан Мортиросовы уонна Алижон Саидовы кытары киирсэн кыайбыта. Спортсмен аныгыскы күрэхтэһиитэ эмиэ ыам ыйын 17 күнүгэр былааннанар.
Саха сириттэн сылдьар ыарахан ыйааһыҥҥа киирсэр (86 кг) Вячеслав Долганов бастакы эргииргэ көҥүл сырытта, онон бастакы тустуута бүгүн, ыам ыйын 16 күнүгэр буолуоҕа. Кини утарсааччытынан Москва бэрэстэбиитэлэ Кирилл Беленков буолуоҕа.
