17 От ыйа 17.07
  • 18°
  • $ 88,28
  • 96,26

Саха сирин өрүстэригэр кутталлаах уу таһыма бэлиэтэммэт

10:02, 04 июня
Текст:
Хаартыска: ЯСИА саайта
Читайте нас на
Яндекс Новости
ЯДВ
ЫБММ сүрүн управлениетын Саха сиринээҕи салаатын суһал бөлөҕө Халыма оройуоннарыгар үлэлииллэр. Кутталлаах уу таһыма бэлиэтэммэт. Ууга барбыт тиэргэннэр суохтар. Өлүөнэ уонна Дьааҥы эбэлэргэ муус төрдүгэр тиийдэ.
«Индигирка, Халыма, Анаабыр уонна Алаһыай эбэлэргэ суһал бөлөхтөр кэтээн көрүүнү ыыталлар. Кутталлаах уу таһыма бэлиэтэммэт», — диэтэ бөлөх салайааччыта Павел Гарин.

Индигиркаҕа муус Аллайыаха туһаайыытынан устар, аллараа тардыыта төрдүгэр тиийдэ. Үөһээ тардыыта Чокурдааҕынан 140 км аллара баар. Кэлэр сууккаҕа муус толору төрдүгэр тиийиэҕэ.

Халыма эбэҕэ муус Аллара Халыма оройуонун туһаайыытынан устар. Аллара тардыыта Черскайтан 70 км аллара бэлиэтэнэр. Уу таһыма 436 см, кутталлааҕа 600 см. Үөһэ тардыыта – Черскайтан 40 км аллара. Муус эбэ төрдүтүгэр тиийиитэ бэс ыйын бастакы дэкээдэтигэр былааннанар.

Алаһыай эбэ мууһа Аллараа Халыма территориятынан ааһар. Алын тардыыта Андрюшкиноттан 85 км аллара, уу таһыма 664 см, кутталлааҕа 920 см. Үөһэ тардыыта – Андрюшкиноттан 10 км аллара. Төрдүгэр тиийиитэ бэс ыйын саҕаланыыта.

Анаабыр өрүскэ муус Анаабыр оройуонун туһаайыытынан ааһар. Аллара тардыыта Үрүҥ Хайаттан 25 км бэлиэтэнэр, үөһэтэ — Сааскылаахтан 145 км аллара, уу таһыма 1105 см, кутталлааҕа 1170 см. Төрдүгэр тиийиитэ бэс ыйын бастакы дэкээдэтэ.

Следите за самым важным и интересным в Telegram-канале и WhatsApp-группе ЯСИА