18 От ыйа 18.07
  • 18°
  • $ 88,09
  • 96,3

Саха сиригэр күһүҥҥү призыв хампаанньата саҕаланна

09:39, 02 ноября 2022
Текст:
Читайте нас на
Яндекс Новости
ЯДВ

Сэтинньи 1 күнүттэн күһүҥҥү призыв саҕаланна. Быстах байыаннай хомуурунан сибээстээн, тэрээһин биир ый хойутаан буолла.

СИА-ҕа байыаннай комиссар Александр Авдонин эппитинэн, быйыл туох да улахан уларыйыы хампаанньаҕа тахсыбат, оттон призывниктар ахсааннара аҕыйыаҕа.

«Күһүҥҥү призывынан ыҥырыллыбыттар анал байыаннай дьаһал ыытылла турар сирдэригэр барбаттар диэн эрэннэрэбин. Генштаб сорудаҕынан кинилэр Донецкай уонна Луганскай народнай өрөспүүбүлүкэлэргэ, Запорожскай уонна Херсонскай  уобаластарга баар байыаннай чаастарга эмиэ ыытыллыбаттар.

Саха сириттэн призывтаммыттар бары Илиҥҥи байыаннай уокуруктарга бастайааннай дислокация пууннарыгар сулууспалыахтара», — диэтэ Александр Авдонин.

Авдонин чуолкайдаабытынан, Саха сирин 14 улууһугар күһүҥҥү призыв буолбат, суола-ииһэ уустуктардааҕынан.

Быстах байыаннай хомуур дьаһаллара өрөспүүбүлүкэҕэ тохтообута. «Сорудах толору киэбинэн оҥоһулунна, хомуур уонна бэбиэскэ туттарар пууннар сабылыннылар. Байыаннай комиссариаттар баҕа өттүнэн барааччылары кытта үлэлииллэр.  Маны сэргэ контрактниктары кытта үлэ барар», – диэтэ военком.

Следите за самым важным и интересным в Telegram-канале и WhatsApp-группе ЯСИА