Саха сиригэр дьахтар-предприниматель ахсаана эбиллэр. 2023 сылга бэйэ дьарыктаахтар уонна индивидуальнай предпринимателлэр 43%-рын дьахтар ылар. Уон сыл анараа өттүгэр — 30%.
«Дьахтар предпринимательствота кэлиҥҥи кэмҥэ улахан көҕүлээһини ылар. Өссө кэҥииригэр ханнык өйөбүл миэрэлэр баалларын иһитиннэриэхтээхпит. Араас биэдэмистибэлэр, предпринимательство сайдыытыгар пуонда өйөбүллэрин таһынан дьахталларга анал чэпчэтиилээх кирэдьииттэр бааллар», — «Мой Бизнес» киин генеральнай дириэктэрэ Зоя Седалищева кэпсээтэ.
Саха сиригэр кэрэ буолуу, атыы, үөрэх, бытовой өҥө, доруобуйа харыстабыла, чэпчэки промышленность хайысхаларыгар дьахталлар ордук бэйэлэрин бизнестэрин арыналлар.
Региоҥҥа хампаанньалар уонна тэрилтэлэр салайааччылара дьахтар буолуута эмиэ улаатта — 40%.
