18 Ыам ыйа 18.05
  • -7°
  • $ 104,68
  • 115,6

Саха АССР 100 сылыгар Хатаска ДЮСШ дьиэтэ үлэҕэ киириэ

13:01, 23 августа 2021
Текст:

Атырдьах ыйын 21 күнүгэр Хатас нэһилиэгэр И.И. Захаров аатынан 7№-дээх оҕо спортивнай оскуолатын бастакы сыбаайатын түһэрдилэр. Саҥа эбийиэги эһиил Саха АССР 100 сылыгар үлэҕэ киллэриэхтэрэ.


ДЮСШ дьиэтэ 2016 сыл ыам ыйыгар баһаарга былдьаныаҕыттан сөргүтүллүбэккэ турбут.

«Спортивнай эбийиэк нэһилиэк дьонун доруобуйатыгар быһаччы суолталааҕын өйдөөн, өрөспүүбүлүкэ бырабыыталыстыбата, Ил Түмэн бүддьүөккэ үп көрөн, тутуу саҕаламмыта үөрүүлээх. Эһиил ситэри үп көрөн, эбийиэги үлэҕэ киллэриэхпит, оччотугар мантан саҥа чөмпүйүөннэр үүнэн тахсыахтара», — диэтэ Айсен Николаев.

Дьокуускай куорат баһылыга Евгений Григорьев саҥа спортивнай оскуола тустуу, буокса саалалардаах, оонньуур хонуулаах буолуон эттэ.

Сыбаайа түһүүтүгэр оскуола үөрэнээччилэрэ, выпускниктар кыттыыны ыллылар. Кинилэр истэригэр спорт маастардара, «Манчаары», «Азия оонньууларын», өрөспүүбүлүкэ кыһыҥҥы көрүҥнэригэр спартакиада, Уһук Илин спорт адаптивнай көрүҥнэригэр күрэхтэһиилэр чөмпүйүөннэрэ, призердара, Саха сирин сүүмэрдэммит хамаандаларын чилиэттэрэ бааллар.

Следите за самым важным и интересным в Telegram-канале и WhatsApp-группе ЯСИА
0
0