16 От ыйа 16.07
  • 23°
  • $ 87,81
  • 95,78

Россия ЫБММ баһылыга халаан уутуттан эмсэҕэлээбит Хатырыкка сырытта

Хаартыска: ЯСИА саайта
Читайте нас на
Яндекс Новости
ЯДВ

Российскай Федерация гражданскай оборона дьыалаларыгар, ыксаллаах балаһыанньаҕа уонна алдьатыылаах күүс содулун туоратыыга миниистирэ Александр Куренков ыам ыйын 22 күнүгэр Саха сиригэр үлэлээтэ.

Салайааччы халаан уутун содулун туоратыыга ыытыллар тэрээһиннэргэ уонна нэһилиэнньэҕэ көмө оҥоһуллуутугар сыана биэрэр.

Александр Куренков Ил Дархан Айсен Николаевы кытта Нам оройуонугар халаан уутугар барбыт нэһилиэнньэлээх пууннары үөһэттэн көрдүлэр. Хатырыкка ЫБММ баһылыга «Нам» өрөспүүбүлүкэ таһымнаах суол 118 килэмиэтиригэр мас муоста уунан суураллыбытын көрдө. Элбэх оҕолоох Кутуковтар дьиэ кэргэттэригэр сырыта, ыал икки этээстээх саҥа дьиэлэрин уу ылбыт. Владимир уонна Ирина Кутуковтар 10 оҕолоохтор. Кинилэр кэпсээбиттэринэн, дьиэлэригэр миэтэрэ үрдүктээх уу киирбит. Билигин волонтердар көмөлөрүнэн дьиэ, мал-сал куурдуллар, дьиэ гааска холбонон турар. Александр Куренков таҥас сууйар массыына, огнетушитель уонна баһаары сэрэтэр автономнай тэрил ылалларыгар сертификат биэрдэ, оҕолорго — кинигэ уонна минньигэс ас. Кутуковтарга сотору кэминэн дьиэлэрин чөлүгэр түһэрэллэригэр тутуу матырыйаала тиксэриэхтэрэ. Миниистир уонна баһылык салгыы Васильевтар дьиэ кэргэттэригэр сырыттылар. Александр Куренков бэлэхтэри туттарда уонна сотору кэминэн дьиэлэрин куурдалларыгар пушкалары ыыталларын эттэ.

Александр Куренков Айсен Николаевтыын Хатырыкка дьон быстах олорор сирдэригэр оскуолаҕа сылдьан, олохтоохтору кытта көрүстэ. Сэлиэнньэҕэ МФЦ сотрудниктара үлэлииллэр, компенсация ылыытыгар докумуоннарын толороллор. Дьон доруобуйатын катастрофа медицинатын өрөспүүбүлүкэтээҕи киинин медиктара көрөллөр.

Сиһилии: https://ysia.ru/glava-mchs-rossii-posetil-postradavshee-ot-navodneniya-selo-hatyryk-v-yakutii/

Следите за самым важным и интересным в Telegram-канале и WhatsApp-группе ЯСИА