23 От ыйа 23.07
  • 18°
  • $ 87,78
  • 95,76

Россия президенин кытта быһа сибээс: Саха сирин олохтоохторо Владимир Путиҥҥа ыйытыы биэриэхтэрэ

14:41, 15 июня 2017
Текст:
Читайте нас на
Яндекс Новости
ЯДВ

Сыллата аайы ытыллар «Владимир Путины кытта быһа сибээс» буолара бэрт аҕыйах чаас хаалла. Бу күн Россия олохтоохторо дойду президенигэр ыйытыы биэрэр, онно эппиэт ылар кыахтаахтар. Судаарыстыба баһылыгар Саха сирин олохтоохторо эмиэ ыйытыы биэрэр санаалаахтар. Кинилэр ортолоругар — суруйааччылар Союзтарын регионнааҕы бырабылыанньатын чилиэнэ Алексей Амбросьев баар.


Амбросьев Путиҥҥа национальнай литератураны тылбаастааһын тиэмэтигэр ыйытыылааҕын этэр: «Мин нуучча тыла дойду биир сомоҕо буолуутугар төрүт, биир уопсай гражданскай, култуурунай, үөрэҕирии тутулун тэрийэр диэни кытта олус сөпсөһөбүн. Онон дьон нуучча тылын дириҥэтэн үөрэтэригэр сөптөөх усулуобуйаны куруук тэрийэ уонна тупсара туруллуохтаах. Онон президент болҕомтотун национальнай ааптардар айымньыларын нуучча тылыгар тылбаастааһыҥҥа тардыахпын баҕарабын«.

«Мин санаабар биһиги Сэбиэскэй Союз бастыҥ уопуттарыттан эмиэ ылыахтаахпыт. Оччолорго национальнай ааптардар үлэлэрин тылбаастааһын сыалай систиэмэ этэ. Ол омуктар литературалара ыһыллан хаалбакка биир сиргэ түмүллэригэр кыаҕы биэрбитэ. Билигин оннук бэлиитикэ суоҕуттан, национальнай литература сайдыытыгар харгыстар бааллар«, — диэн эбэн эттэ Алексей Амбросьев.

Суруйааччы кини киэҥ араҥаҕа таһаарар тиэмэтэ Россия президенин иһинэн үлэлиир нуучча тылыгар Сэбиэт мунньаҕар көтөҕүллэригэр эрэллээх.

Бэлиэтээн этэр буоллахха, быһа сибээс бүгүн, бэс ыйын 15 күнүгэр  олохтоох бириэмэнэн киэһэ 18:00 буолар. Биэриини федеральнай ханаалларга көрүөххэ, истиэххэ сөп. Ыйытыылары  8-800-200-40-40 нүөмэринэн эфир бүтүөр диэри ылаллар.

Кыраныысса таһыгар сылдьааччыларга: +7 (499) 550-40-40 уонна +7(495) 539-40-40. СМС эбэтэр ММС  0-40-40 кылгас нүөмэргэ ыытыахха сөп. Маны сэргэ москва-путину.рф сайт уонна маннык ааттаах сыһыарыы мобильнай тэриллэргэ баар, ВКонтакте уонна «Одноклассники» социальнай ситимнэринэн эмиэ ыйытыылары биэриэххэ сөп.

Следите за самым важным и интересным в Telegram-канале и WhatsApp-группе ЯСИА