16 От ыйа 16.07
  • 16°
  • $ 87,81
  • 95,78

Өрөспүүбүлүкэ оҕолоох дьиэ кэргэттэргэ харчынан өйөбүл оҥорор

15:07, 14 июля 2016
Текст:
Читайте нас на
Яндекс Новости
ЯДВ

Судаарыстыба нэһилиэнньэни элбэтэр соруктаах. Ордук элбэх оҕолоох, кыаммат (биир киһиэхэ тиийинэн олоруу алын кээмэйиттэн кыра дохуоттаах) ыалларга көмө элбэх. Ол иһигэр өрөспүүбүлүкэ бюджетыттан туспа үп көрүллэр. Суумата 2016 сыл тохсунньу 1 күнүгэр олохтоммута.


Ийэ хапытаала (2011 сыл кэннэ төрөөбүт/иитэ ылыллыбыт үһүс оҕоҕо) – 133 190 солк.

Элбэх оҕолоох кыаммат ыалларга спортивнай, оскуолаҕа кэтиллэр таҥас ыларга анаан сылга биирдэ бэриллэр көмө – 3106 солк.

Эдэр ыалларга (30 саастарыгар диэри) бастакы оҕолоро төрөөтөҕүнэ/иитэ ыллахтарына биирдэ бэриллэр көмө – 6212 солк.

Тиийинэн олоруу алын кээмэйиттэн кыра дохуоттаах ыалларга оҕо босуобуйата (ый аайы, оскуоланы бүтэриэр диэри) –

1,7 оройуон коэффициеннаах: 3 сааһыгар диэри – 551 солк; 3-6 саастаах – 598 солк; 6-16 саастаах – 719 солк.

2,0 оройуон коэффициеннаах: 3 сааһыгар диэри – 650 солк; 3-6 саастаах – 705 солк; 6-16 саастаах – 849 солк.

2013 сылтан бэттэх төрөөбүт үһүс, эбэтэр онтон элбэх оҕоҕо социальнай хантыраах быһыытынан түһэрсиллэр судаарыстыбаннай социальнай көмө – ыйдааҕы тиийинэн олоруу алын кээмэйигэр тэҥ (сыл аайы уларыйар).

18 сааһын туола илик 10 оҕолоох (төрөппүт, эбэтэр ииппит) ыалларга социальнай хантыраах быһыытынан массыына/тыраахтар ыларга биирдэ бэриллэр көмө (үөрэнэр буоллахтарына, 23 саастарыгар диэри) – 637 702 солк.

Следите за самым важным и интересным в Telegram-канале и WhatsApp-группе ЯСИА