29 Кулун тутар 29.03
  • -12°
  • $ 92,26
  • 99,71

Путин Кириэстээх ыанньыксытыгар эрэннэрбит кулуубун тутуута саҕаланна

10:01, 14 апреля 2023
Текст:
Фото: пресс-служба президента РФ
Читайте нас на
Яндекс Новости
ЯДВ

Сунтаар улууһун Кириэстээҕэр муус устар 12 күнүгэр саҥа кулууп бастакы сыбаайатын туруордулар. Эбийиэк тутуутугар көмөлөһөрүгэр Владимир Путинтан Үлэ Геройа, үйэ аҥара ыанньыксыттаабыт Владимир Михайлов көрдөспүтэ.

Тыа кулууба икки этээстээх буолуоҕа, кэлэр сыл бүтүүтэ үлэҕэ киириэҕэ. «Россия президенэ Владимир Владимирович Путины кытта көрсүһүүтүгэр Владимир Африканович саҥа кулууп тутуутугар көмөлөһөрүгэр эппитэ. Президент хайаан да көмөлөһүөхпүт диэбитэ. Уонна көмөлөстө», — суруйда бэйэтин Telegram-ханаалыгар Ил Дархан Айсен Николаев.

Санаттахха, Сунтаар оройуонуттан Владимир Михайлов ааспыт сыл бэс ыйыгар «Российскай Федерация Үлэтин Геройа» кыһыл көмүс мэтээли туппута. Наҕарааданы Владимир Путин тус бэйэтэ туттарбыта. Өрөгөйдөөх күн ыанньыксыт Россия президиэнигэр кини төрөөбүт Кириэстээҕэр саҥа кулууп баар буолуон баҕарарын эппитэ. Судаарыстыба баһылыга онно кини баҕа санаатын толоруоҕум диэн эрэннэрбитэ.

Следите за самым важным и интересным в Telegram-канале и WhatsApp-группе ЯСИА