16 От ыйа 16.07
  • 28°
  • $ 87,81
  • 95,78

Оттуур ходуһалары бэрээдэктиир туһунан Ил Дархан эттэ

10:30, 13 марта 2018
Текст:
Читайте нас на
Яндекс Новости
ЯДВ

Сүөһүтэ-аһа суох дьон оттуур ходуһаларын дьаһалтаҕа от ыйыгар диэри биэриэхтээхтэрин туһунан Ил Дархан Егор Борисов Мэҥэ Хаҥалас улууһун Тумул нэһилиэгэр тахсан тыа хаһаайыстыбатын боппуруостарыгар ыыппыт мунньаҕын кэмигэр эттэ.


Мунньах саҕаланыыта Ил Дархан билигин эдэр дьон тыа сиригэр тахсан үлэлииллэрэ үксээбитин, онуоха өрөспүүбүлүкэ өттүттэн үгүс өрүттээх үлэ барарын эттэ. Ол курдук, нэһилиэктэргэ олорор дьиэлэр тутуллаллар, дьиэлэр киин ититэр систиэмэҕэ холбоноллор, толору хааччыллыылаах оҥоһуллаллар, нэһилиэнньэлээх пууннары тупсарыы барар. Ону сэргэ тыа хаһаайыстыбатыгар биир кэлим үлэ ыытыллар.

Мунньах кэмигэр тыа хаһаайыстыбатынан дьарыктанааччылар икки сүрүн боппуруоһу көтөхтүлэр. Бастатан туран, хаһаайыстыбалары өйөөһүнү салгыы ыытыы туһунан эттилэр. Билигин тыа хаһаайыстыбатынан дьарыктаныан баҕалаах дьоҥҥо ботуччу көмө оҥоһуллар буолла. Ол эрээри урукку курдук көмөлөһүөххэ эрэ диэн буолбакка, үбү-харчыны көдьүүстээхтик туһаныыга болҕомто ууруллар. Егор Борисов бу туһунан этэн туран, билигин тыа хаһаайыстыбатын бородууксуйатын оҥорон таһаарааччылар хас биирдии кэпиэйкэҕэ тиийэ эппиэтинэс ылалларын, сокуон көрүллүбүт үп төһө көдьүүстээхтик туһаныллыбытын ирдиирин бэлиэтиир. Ону сэргэ кини үлэ хаачыстыбата тупсуохтааҕын, соҕотуопканан дьарыктанан эрэр тэрээһиннээх хаһаайыстыбаларга сөптөөх көмө оҥоһуллуохтааҕын иһитиннэрдэ.
Иккиһинэн, оттуур ходуһалары бэрээдэктээһин боппуруоһун көтөхтүлэр. Санатан эттэххэ, соторутааҕыта Егор Борисов бэйэтин итэҕэллээх дьонун кытары көрсүбүтэ. Онно “Тумул” ТХПК бэрэссэдээтэлэ Таисия Десяткина тыа хаһаайыстыбатын боппуруостарыгар үгүс этиини киллэрбитэ. Олортон биирдэстэринэн оттуур ходуһалары бэрээдэктээһин буолар. Билигин нэһилиэктэргэ үгүстэр сүөһү-ас ииппэттэр эрээри, оттуур ходуһалаахтар. Итини бэрээдэктээһин барыахтаах. “Билигин биһиэхэ маннык сирдэр элбэхтэр. Суобастаах дьон дьаһалтаҕа сирдэрин төттөрү биэрэллэр, оттон атыттар харчыга оттотоллор. Ол иһин тыа хаһаайыстыбатынан дьарыктаныан баҕалаах дьон сирдэрэ-уоттара суох хаалаллар”, — диэн бэлиэтээн туран, Ил Дархан бырабыыталыстыбаҕа, Тыа хаһаайыстыбатын министиэристибэтигэр, Ил Дархан уонна бырабыыталыстыба дьаһалтатыгар от ыйын 1 күнүгэр диэри бу боппуруоһу сокуон хараҕынан быһаарарга, сөптөөх докумуону ылынарга эттэ. Уонна түмүккэ Егор Борисов үчүгэй көрдөрүүлээх хаһаайыстыбалар уопуттарыгар олоҕуран, хаһаайыстыбалар икки ардыларынааҕы кооперациялааһыны салгыы ыытары бэлиэтээтэ.

Следите за самым важным и интересным в Telegram-канале и WhatsApp-группе ЯСИА