29 Кулун тутар 29.03
  • -14°
  • $ 92,26
  • 99,71

"Орто дойду" зоопаркаҕа хотоҕойдоох көтөр олохсуйда

12:57, 31 марта 2016
Текст:
Читайте нас на
Яндекс Новости
ЯДВ

Саха сирин быыһыыр сулууспатын Нерюнгритааҕы филиала кулун тутар 26 күнүгэр телефонунан сибээскэ тахсан, олохтоох гимназия таһыгар хотоҕойдоох көтөр баар буолбутун, бэйэтигэр дьону чугаһаппатын тыллаабыттара.


Быыһааччылар сэрэнэр миэрэни тутуһан көтөрү бэйэлэрин илиилэригэр ылбыттар. Спортивнай саалаҕа олохтоон, таба этинэн, муора балыгынан аһаппыттар. Чугастан көрөн үөрэтии түмүгэр бу көтөр кыырт буолара биллибит.

Олус ырыганнаабыт эрээри бааһырыыта суох эбит. Дьон булбатаҕа буоллар тоҥор дьылҕалааҕа. Кыырт киһи илиититтэн куттала суох аһыырыттан сылыктаатахха дьиэ усулуобуйатыгар үөскээбит бадахтаах.

«Көтөр дьиикэй айылҕаҕа сылдьа үөрүйэҕэ суоҕа биллибитинэн, быыһааччылар кинини «Орто дойдуга» олохтуурга быһаарбыттар. Билигин кыырт Дьокуускайга аҕалылынна. Зоопарка исписэлиистэригэр туттарылынна», — диэн сулууспа уопсастыбаннаһы кытта сибээһин исписэлииһэ Николай Фатеев иһитиннэрдэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар