21 Муус устар 21.04
  • $ 93,44
  • 99,58

Олимпиадаҕа кыттар ыра санаа. Сардана Трофимова Ганноверга ADAC марафоҥҥа сүүрүөҕэ

10:33, 01 апреля
Текст:
Хаартыска: ЯСИА саайта
Читайте нас на
Яндекс Новости
ЯДВ

Азиатскай оонньуулар боруонса призердара, Кыргызстаан сүүмэрдэммит хамаандатын чилиэнэ Сардана Трофимова Ганноверга ADAC марафоҥҥа сүүрүөҕэ.

Сүүрүү Парижтааҕы сайыҥҥы Олимпийскай оонньууларга квалификациялыыр. Ол туһунан «Триумф» спортивнай бэлэм киинигэр этилиннэ.

«Саха сирин сүүрүүгэ спортсменката Германияҕа үһүс төгүлүн марафоҥҥа кыттар. Бу, санаатахха, саамай эппиэтинэстээх. Сорук – олимпийскай нормативы толоруу, чуолаан – финишка 2 чаас 26 мүнүүтэ 50 сөкүүндэ иһинэн көрдөрүүлээх кэлиэхтээх», — суруллар иһитиннэриигэ.

32-с Ганноверскайдааҕы марафон муус устар 14 күнүгэр саҕаланар.

Санаттахха, Парижка сайыҥҥы Олимпийскай оонньууларга Саха сириттэн төрүттээх көҥүл истиилгэ тустуук, Австралияттан кыттар Георгий Окороков путевка туппута.

Следите за самым важным и интересным в Telegram-канале и WhatsApp-группе ЯСИА