19 Тохсунньу 19.01
  • -48°
  • $ 73,82
  • 83,32

Намнар виртуальнай викторинаны биһирээтилэр

17:33, 18 февраля 2016
Текст:

Нам улууһун олохтоохторо улаханнык сэргэхсийэн олороллор. Хаһыакка, сурунаалга тахсыбыт викториналары куруук таайар эбит буоллахтарына, аны билигин виртуальнай викторинаны улаханнык сэргээтилэр.


Бу туһунан СИА-ҕа Хамаҕатта олохтооҕо Мария Винокурова кэпсээтэ: «Төрөөбүт тыл уонна сурук-бичик күнүнэн Рыкунов аатынан улуустааҕы киин библиотека виртуальнай викторина ыытта. Ыйытыылары библиотека сүрүннүүр испэсэлииһэ Татьяна Васильева ватсабынан ыыталаабыта. Ону сэргээн, сэҥээрэн барыта отучча киһи кыттыбыт«.

Бэриллибит бары ыйытыыларга сөптөөх хоруйдары биэрэн Мария Винокурова (Хамаҕатта) уонна Семен Говоров (Нам) кыайыылаахтарынан тахсан улаханнык үөрбүттэр. Иккис миэстэҕэ Антонина Михайлова уонна Ирина Находкина (намнар), үһүскэ эдэр оҕо Ньургуйаана Афанасьева тиксибиттэр.

Библиотекаҕа мустубут ыалдьыттар күрэстэһиини маннык ньыманан ыытары сэргээбиттэрин эппиттэр. Аныгыскы сырыыга кыттан, холонон көрөр баҕалаах элбээбитин бэлиэтээбиттэр.

0
0
19 января 19.01
  • -48°
  • $ 73,82
  • 83,32