24 От ыйа 24.07
  • 16°
  • $ 87,3
  • 95,46

Намҥа «Эҥсиэли хочотугар олоҥхо ыһыаҕа – 2019» научнай-методическай конференция буолла

10:01, 13 октября 2016
Текст:
Читайте нас на
Яндекс Новости
ЯДВ

Алтынньы 11 күнүгэр Намҥа «Эҥсиэли хочотугар олоҥхо ыһыаҕа – 2019» научнай-методическай конференцияҕа Хаҥаластан кыттыыны ыллылар.


Киэҥ ыҥырыылаах конференцияҕа хас да секция үлэлээтэ. “Олоҥхону сөргүтүү, чинчийии,тарҕатыы, олоххо туһаныы билиҥҥи туруга уонна сайдар саҕахтара” секцияҕа «Хаҥалас улууһугар олоҥхону сөргүтүү уонна сайыннарыы» теманан Харитонова Лидия Васильевна. «Олоҥхоһуттары чинчийиигэ ХИФУ студеннарын сыһыаран кытыннарыахха наада. Холобур В.В. Илларионов  бастакы курска сылдьан биһиги олоҥхоһуппут Е.И. Кардашевскай  олоҥхотун пленкаҕа запистаан хаалларбыта, билигин СД дискалаах кинигэ буолан таҕыста. Бу курдук тэтимнээх үлэ барыан наада олоҥхону үйэтитиигэ», — диэтэ кини. Лидия Васильевна этиитэ резолюцияҕа киллэрилиннэ.

“Нам улууһугар кыраайы үөрэтии устуоруйата уонна билиҥҥи туруга” секцияҕа «Олоҥхо сылыгар аналлаах таһаарылар» теманан кытынна Наумова Альбина Моисеевна кытынна. Кини Хаҥаласка ыытыллар Тыгын сылын сырдатта.

“2019 сылга Нам улууһугар ыытыллар Өрөспүүбүлүкэтээҕи Олоҥхо ыһыаҕын тэрээһинин боппуруостара” секцияҕа кыттыыны ылла Гаврильева Матрена Егоровна.

Төрдүс секцияҕа — “Эҥсиэли хочотугар уус кыһатын үлэтэ, инники саҕахтар” — сэргэх кэпсэтиигэ кыттыыны ылла Степанова Надежда Валерьевна. Кини олохтоох маастардарбыт үлэтин билиһиннэрдэ, сырдатта.

Конференция түмүгүнэн төгүрүк остуолга кыттыбыт дьоҥҥо сертификат уонна «Намский князец Мымах, как историческая личность и его роль в принятии Российского подданства» диэн ааттаах кинигэ туттардылар.

Хаҥалас улууһуттан култуураҕа уонна духуобунай сайдыыга салалтатыттан Гаврильева Матрена Егоровна, Харитонова Лидия Васильевна, Степанова Надежда Валерьевна, улуус кииннэммит библиотекатыттан Наумова Альбина Моисеевна, Нөмүгүттэн «Чуораанчык» оҕо саадын иитээччитэ Матвеева Оксана Прокопьевна кыттыыны ыллылар.

Следите за самым важным и интересным в Telegram-канале и WhatsApp-группе ЯСИА