28 Тохсунньу 28.01
  • -48°
  • $ 73,82
  • 83,32

Мукучуга оҕо лааҕырдарыгар баһаары утары сэрэтэр үлэни ыыталлар

16:22, 19 июля 2016
Текст:

Кэбээйи улууһун Мукучутугар  «Дьулуур», «Быйаҥ» үлэ, сынньалаҥ лааҕырдарын оҕолоругар туһаайан олохтоох библиотека иһитиннэрэр чаас түһүлгэтин тэрийдэ.


Лааҕыр салайааччылара Мария Саввинова, Елизавета Павлова уонна 3 №-дээх баһаарынай чаас начальнига  Иннокентий Иванов библиотекаҕа баһаартан сэрэхтээх буолууга кэпсэтии ыыттылар.

Оҕолор, иитиллээччилэр олус болҕомтолоохтук иһиттилэр, ыйытыы биэрэн, сөптөөх эппиэти ылан билиилэрин чиҥэттилэр.

«Сыл эргин нэһилиэнньэ араас араҥатыгар тиһигин быспакка өйдөтүү үлэтин ыытабыт. Билигин Саха сирин үрдүнэн баһаартан сэрэхтээх буолуу режимэ биллэриллибитэ. Маннык кэмҥэ үлэбитин өссө күүһүрдэн биэрэбит», — диэн Иннокентий Иванов эттэ.

Лааҕырдар баһаарынай бэрэбиэркэни ааһан, үлэлииргэ көҥүлү ылбыттар. Итини сэргэ оҕолору кытта үлэлиир иитээччилэр күннэтэ быһаарар-үөрэтэр үлэни ыыталлар. Оҕолор да эппиэтинэстэрин өйдүүллэр.

0
0
28 января 28.01
  • -48°
  • $ 73,82
  • 83,32