29 Кулун тутар 29.03
  • -13°
  • $ 92,26
  • 99,71

Мас-рестлиҥҥэ икки ыйааһыҥҥа саха эдэр мадьынылара чөмпүйүөннээтилэр

16:17, 15 июля 2016
Текст:
Читайте нас на
Яндекс Новости
ЯДВ

От ыйын 14 күнүгэр «Модун» спортивнай кииҥҥэ мас тардыһыытын бастакы эргииригэр 48, 56 киилэлэргэ Саха сирин хамаандатын эдэр мадьынылара тэҥнээхтэрин булбатылар. 


Саамай кыра ыйааһыҥҥа Саха сирин хамаандатын иккис нүөмэрэ, Сунтаартан сылдьар Арылхан Егоров чөмпүйүөннээтэ. Кини финалга бииргэ дьарыктанар бэйэтин хамаандатын лидерын Роман Шамаевы ыраастык кыайда.

— Эрдэ Ромаҥҥа хотторор этим. Ол иһин эрдэттэн кыайарга былааннанан, ох курдук оҥостубутум. Бэс ыйыгар күүскэ дьулуһан эрчиллибитим. Сыалбын ситистим, онтон наһаа үөрэбин. Кыайыыбын тренербэр Николай Николаевич Румянцевка аныыбын. Мин киниэхэ дьарыктанан чөмпүйүөн буоллум, — диэн үөрүүтүн үллэһиннэ саҥа чөмпүйүөн.

56 киилэҕэ Саха сирин хамаандатын лидера Рудольф Жирков күүстээх утарсааччыларын монгол Тенгис Данханбаайы уонна нуучча Василий Сыромятниковы булгурута тардыалаан эрэллээхтик бастаата.

Оттон 68 киилэҕэ Уһук Илин федеральнай уокурук спортсмена кыахтаахтык бастаан, чөмпүйүөн үрдүк аатын сурунна. Саха уолаттара Игорь Фролкин үрүҥ көмүс, Петр Сергеев боруонса мэтээл хаһаайыннарынан буоллулар.

Следите за самым важным и интересным в Telegram-канале и WhatsApp-группе ЯСИА