Өрөспүүбүлүкэ быыһыыр сулууспата Лондоҥҥа туруммут аттары үргүбэт туһуттан суоппардары сигналлаабаттарыгар көрдөһөр. Айанньыттар бу күҥҥэ Өймөкөөнтөн Дьокуускайга иһэллэр.
Санатабыт, кулун тутар 1 күнүгэр Өймөкөөн улууһун Дьэкэй сириттэн сылгыһыт Дугуйдан Винокуров уонна кини күтүөтэ Мичил Неустроев ыҥыыр атынан Лондоҥҥа туруммуттара. Бастаан эр дьон Өймөкөөнтөн Иркутскай уобалаһыгар диэри бараллар. Онтон бөлөх Лондоҥҥо тиийэ айанныа.
Айанньыттар билигин Өймөкөөнтөн Дьокуускайга иһэллэр. Кинилэр үксүн федеральнай, өрөспүүбүлүкэ таһымнаах суоллар кытыыларынан айанныыллар. Маныаха өрөспүүбүлүкэ быыһыыр сулууспата суоппардартан аттары соһуччу улахан тыаһынан үргүбэт туһуттан массыына сигналын биэрбэттэригэр, сырыы хаамыытын бытаардан, суол быраабылатын тутуһан айанныылларыгар көрдөһөр. Сулууспа уһун айан куттала суох буолуоҕар баҕарар.
