14 От ыйа 14.07
  • 17°
  • $ 87,74
  • 95,76

Өйүүн көтүөхтээх аракыата тобохторо Бүлүүгэ, Алдаҥҥа түһүөхтэрэ

16:04, 30 января 2018
Текст:
Читайте нас на
Яндекс Новости
ЯДВ
Олунньу 1 күнүгэр “Восточнай” космодромтан “Союз-2.1а” аракыата көтөрө былааннанар.

«Роскосмос» иһитиннэрбитинэн, аракыата олохтоох бириэмэнэн 11 чаас 7 мүнүүтэ 18 сөкүүндэҕэ көтүөҕэ. Бу «Восточнай» космодромтан номнуо үһүс көтүү. Бастакы анал спутнигы 2016 сыл муус устар 28 күнүгэр таһаарбыттара. Аракыата тобохторо Саха сиригэр – Бүлүү уонна Алдан улуустарын сиригэр-уотугар түһэллэрэ күүтүллэр.

Быыһааччылар үлэлииргэ бэлэмнэр

Билигин өрөспүүбүлүкэ быыһыыр сулууспатын быыһааччылара аракыата тобохторун көрдөөһүҥҥэ бэлэмнэр. Уопсайа 12 киһи, 7 тиэхиньикэ үлэлиэҕэ. «СӨ Быыһыыр сулууспата» ГКУ начаалынньыгын солбуйааччы Василий Тарскай иһитиннэрбитинэн, «Роскосмос» үлэһиттэрэ биэрбит хайысхаларынан, быһа холоон 150 кв килэмиэтир иэннээх сири кэрийэн тобохтору көрдүөхтээхтэр.

Следите за самым важным и интересным в Telegram-канале и WhatsApp-группе ЯСИА