Саха сирэ Токиотааҕы Олимпиадаҕа кыттар кыахтаах спортсменнары өйүүрэ салҕанар. Ол туһунан Айсен Николаев бэҕэһээҥи быһа эфиригэр эттэ, диэн СИА иһитиннэрэр.
«Биһиги спорсменнарбыт Олимпиадаҕа кыттыыларын туһунан эттэххэ, тустууну таһынан, биһиги бөҕөстөрбүт бэйэлэрин көрдөрүөхтэрэ, өссө бокса баар. Төһө да Василий Егоров аан дойду чемпионатыгар бэйэтин толору көрдөрбөтөҕүн иһин, квалификационнай күрэхтэһиилэринэн кини Олимпиадаҕа ааһыахтаах. Конкуренция үрдүк, ити эрээри Василий туруоруллар соруктары толоруо, биһиги киэниэхэ көмөлөһүөхпүт. Буолаары буолан, быйылгы чемпионат Олимпийскай оонньууларга квалификационнай этаабынан киирбэт. Егоровка барыта иннитигэр, олус элбэх бэйэтиттэн тутулуктаах, оттон өрөспүүбүлүкэттэн ирдэнэри биһиги оҥоруохпут», — диэтэ Айсен Николаев.
Регион баһылыга оҕунан ытыыны эмиэ эттэ. Олимпиадаҕа тиийиини Кристина Устинова ситиһиэхтээх. «Бу көрүҥҥэ Россия сүүмэрдэммит хамаандата Олимпийскай оонньууларга киирсэр. Кристина олунньуга дойду чемпионатыгар ситиһиилээхтик кыттан, бу хамаандаҕа киирсэригэр, Токиоҕа барарыгар эрэллээхпит«, — диэн бэлиэтээтэ кини.
Ил Дархан Саха сирин биир эрэлин, сүүрүк Сардана Трофимованы эттэ. Спортсмен бу субуотаҕа Дохаҕа аан дойду чемпионатыгар кыттар уонна онно олимпийскай нуорманы толорор кыахтаах.
«Сардана Трофимоваҕа олус эрэнэбит, чэпчэки атлетикаҕа Норуоттар икки ардыларынааҕы федерация баһылыыр норуоттар икки ардыларынааҕы күрэхтэһиилэргэ кыттар кыаҕы ылбыта. Онон кини туох баар сүүмэрдээһини ааһан, Олимпиадаҕа кыттарыгар эрэллээхпин. Онно да Сардана үчүгэйдик кыттар кэскиллээх», — диэтэ Айсен Николаев.
«Өссө биирдэ этэбин, Олимпийскай оонньууларга кыттар кыахтаах спортсменнары өйүөхпүт. Кинилэр онно мэнээх барбаттара чуолкай, үрдүк наҕараадалары ситиһэргэ киирсэллэригэр эрэнэбин», — резюмировал он.
