29 Кулун тутар 29.03
  • -11°
  • $ 92,26
  • 99,71

Иенгра эбэҥки сэлиэнньэтигэр кыылы иитиини сайыннараллар

Читайте нас на
Яндекс Новости
ЯДВ

Нерюнгри оройуонун Иенгра бөһүөлэгэр “Золотинка” кыылы иитэр пиэримэ үрдүк көрдөрүүлэри ситиһэр. Кэнники сылларга судаарыстыба көмөтүнэн материальнай-тэхиньиичэскэй баазаларын саҥартылар, кырымахтаах хара саһыл ахсаанын элбэттилэр. Аны кииһи иитэр баҕалаахтар.


Пиэримэ ааспыт үйэ ортотугар тэриллибитэ. Бастаан манна 60 тыһы уонна 15 атыыр саһыл баара. 2003 сыллаахха пиэримэ племенной хаһаайыстыба буолбута. Кырымахтаах хара саһылын ахсаанынан кыылы иитэр пиэримэ өрөспүүбүлүкэҕэ иккис миэстэлээх – бүгүн 400 төбөлөөхтөр.

Нерюнгри оройуонугар оробуочай сырыытын кэмигэр кыылы иитэр пиэримэҕэ Айсен Николаев сырытта. Өрөспүүбүлүкэ баһылыга үлэһиттэри кытта көрүстэ, кыыллар турар былаһааккаларын уонна аһылыгы бэлэмниир куукунаны көрдө. “Золотинка” МУП дириэктэрин оҥорон таһаарыыга солбуйааччы Ньургун Владимиров өрөспүүбүлүкэ салайааччытыгар судаарыстыба көрөр көмөтүн иһин махтанна.

2019 сыллаахха “Золотинка”, Нерюнгри оройуонун уонна Арктика министиэристибэтин икки ардыларыгар үс өрүттээх сөбүлэһиинэн шедтэри – тимир килиэккэлээх мас конструкциялары туппуттар. Бу ийэ саһылы икки төгүл элбэтэр кыаҕы биэрбит. Эрэгийиэн бүддьүөтүттэн субсидия көрүллэн, былырыын сыл бүтүүтэ аһылык куукуната тэриллибит, аһылыгы харайарга 40 туонналаах рефрижератор контейнера, аһылыгы тарҕатар кыра тыраахтар, эт эрийтэрэр, фаршы булкуйар тэриллэри атыыласпыттар. Бу түмүгэр кыыллар астарын рациона тупсубут. Саҥа менюга куурусса, эт, балык бородууксуйата киирбит. Өрөспүүбүлүкэ баһылыга сылдьар кэмигэр өрөспүүбүлүкэ тыа хаһаайыстыбатын министиэристибэтин, Нерюнгри оройуонун, “Золотинка”, Тверь уобалаһыгар “Савватьево” кыылы иитэр Арассыыйа племсобуотун икки ардыларыгар түөрт өрүттээх сөбүлэһии кииһи иитиини сайыннарыыга түһэрсилиннэ. Былырыын итинтэн кыылы иитэр пиэримэҕэ 30 кииһи аҕалбыттара. Салгыы кииһи иитэн, ахсаанын элбэтэр соруктаахтар.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата Бэлэмнээтэ Женни Стрюкова

© edersaas.ru сайт

Следите за самым важным и интересным в Telegram-канале и WhatsApp-группе ЯСИА