Икки этээстээх 400 миэстэҕэ анаммыт 2,3 тыһ кв м иэннээх спортивнай комплекс Хатаска быйыл үлэҕэ киириэҕэ. Эбийиэк «Развитие физической культуры и спорта в Якутии на 2020-2024 годы» регионнааҕы, «Комплексное развитие социальной инфраструктуры Якутска на 2017-2032 годы» муниципальнайдааҕы бырагыраамаларынан тутуллар.
Ил Дархан Айсен Николаев тутууну бэрэбиэркэлээтэ.
Спорткомплексы киин куоракка социальнай эбийиэктэри тутууга анаммыт «О развитии города Якутска – столицы Республики Саха (Якутия) на период до 2032 года» регион баһылыгын ыйааҕынан туталлар. Билигин истиэнэтин уонна быыстары туруораллар, бүрүөһүнү таҥаллар, канализация ситимин тардаллар, муосталыыллар. Тэҥинэн оборудованиетын комплектацията ыытыллар. Эбийиэк инженернай хааччыйыытын, хочуолунайын оҥороллор.
Эбийиэккэ 27 киһи үлэлиир. Тутуу бэлэмэ – 82%. Сэтинньигэ бүтэрэр кыраапыктаахтар.
