15 От ыйа 15.07
  • 18°
  • $ 87,74
  • 95,76

Хаптаҕай урбаанньыгын оҕурсуута атыыга таҕыста

15:33, 31 мая 2016
Текст:
Читайте нас на
Яндекс Новости
ЯДВ

Хаптаҕай урбаанньыта Антонина Жиркова теплицатыгар хайы-үйэ оҕурсулар ситэн-хотон ырааппыттар. Бастакы оҕурсутун муус устар 29 күнүгэр быспыт. Оттон былырыын сааһа сылаас буолан, Кыайыы күнүн саҕана баһаам элбэх оҕурсуну амсайбыттара үһү.

Дьыл, дьыл биэрэрэ, аһатара араастаах буолааччы. Ол эрээри, оҕуруокка туох да диэ, хаһан баҕарар илиини араарбакка үлэлээһин ирдэниллэр. Биир күнү көтүтэн, үлэлээбэккэ хааллаххына, үүнээйиҥ кэхтиэн, буомуруон, аһы биэрбэт буолуон сөп. Онон оҕуруот үлэтэ судургута суох дьарык, ‒ диэтэ оҕуруотчут.

Антонина Семеновна 2011 сыллаахтан урбаанньыт буолбут. Ол иннинэ оҕуруокка Екатерина Новгородова биригээдэтигэр үлэлээбит. Онон уопуттаах үлэһит, оҕуруот үлэтин ымпыгын-чымпыгын барытын билэр. Хаппыыстаны 2, хортуоппуйу 3 гектардаах сиргэ, оҕурсуну 200 квадратнай миэтэрэ иэннээх теплицаҕа уо.д.а. оҕуруот аһын хото олордор.

Биһиги тыйыс усулуобуйабытыгар оҕурсу «ТСХ» суорда ордук сөп түбэһэр диир үлэһит. «Китайскай» суорт диэни эмиэ олордор эбит, ол эрээри амтана соччото суоҕун этэр. Оттон «Шираз» диэн суорт үллэн үүнэрин кэпсээтэ.

2012 сыллаахха тыа хаһаайыстыбатын хайысхатынан «Саҥа саҕалыыр фермер» бырагыраамаҕа киирсэн, гранынан туһаммыт, поликарбонаттан теплица туттарбыт. Итиини тутар поликарбонат матырыйаал көннөрү салаппаан бүрүөһүннээҕэр ордугун эттэ. Баараҕай теплица гааһынан ититиллэр буолан, абыраллаах диэтэ. Уутун-хаарын массыынанан куттарар.

Оҕуруот аһын батарыыга, үүнээйилэри көрүүгэ-бүөбэйдээһиҥҥэ чугас дьонноро көмөлөһөллөр.

Следите за самым важным и интересным в Telegram-канале и WhatsApp-группе ЯСИА