Нам улууһун Хамаҕаттатыгар “Ретро Данс” үҥкүү бөлөҕүн салайар, СӨ култуура үтүөлээх үлэһитэ Любовь Андросова Саха сирин дьахталларын XIV съеһин туһунан кэпсээбит. Нэһилиэк дьахталлара ону истэн баран үлэлэригэр эбии хайысхалары киллэрэргэ быһаарыммыттар.
Бу туһунан «Саҥа саҕахтар» нэһилиэк хаһыатын эрэдээктэрэ Мария Винокурова иһитиннэрдэ: «Үлэбитин-хамнаспытын сөргүтэн, эбии саҥа хайысхалары киллэрэргэ быһаарынныбыт. Кыһалҕалаах боппуруостарга анал исписэлиистэри ыҥыран көрсүһүүлэри тэрийиэхпит. Ыаллыы нэһилиэктэр түмсүүлэрин кытта үлэ үөрүйэҕин атастаһыахпыт. Үлэни сүрүннүүргэ этии киллэриэхпит. Итиэннэ таһаарыылаах үлэлээхтэргэ биһирэбил бэлиэ олохтонорун туруорсуохпут».
