28 Тохсунньу 28.01
  • -48°
  • $ 73,82
  • 83,32

Горнайга окко былаан 18,5 тыһ.тонна

16:50, 28 июля 2016
Текст:

От ыйын 26 күнүгэр улуус баһылыга Никита Андреев, тыа хаһаайыстыбатын управлениетын начаалынньыга Марат Данилов, нэһилиэк баһылыктара, тыа хаһаайыстыбатын исписэлиистэрэ окко киирии үлэтин, былаан туолуутун туһунан мунньахтаатылар.


Ардах мэһэйдээн, олохтоохтор окко саҥа таҕыстылар. Үгүстэр былырыыҥҥы сылы кытта тэҥнээтэххэ, от үүнүүтэ мөлтөҕүн бэлиэтээтилэр. Үрдүк сирдэрэ хатан эрэр, ходуһалар уулаахтар, от быппыта да ороһулаан хаалла, үрэх сирдэр ортону аннынан үүнүүлээхтэр. Нэһилиэк баһылыктара үгүстэрэ от үүнүүтэ мөлтөҕүнэн, былааны 70-80% эрэ толорорбут буолуо дииллэр.

Тыа хаһаайыстыбатын управлениетын начаалынньыга Марат Данилов:
Нэһилиэктэргэ оперативнай штаб тэрилиннэ. Маҥанылар, күөрэлээхтэр оттооһуҥҥа арыый амалар. Ордук кировскайдар, одунулар көрдөрүүлэрэ мөлтөх. Былаан быһыытынан 18, 5 тыһ. тонна оттуохтаахпыт. Солоҕоттор, маҥанылар 100 бырыһыаны толорор санаалаахтар. Онтон атын нэһилиэктэр 70-75% . Улууска 20 суһал биригээдэ баар. Оту атыылаһыыга сэттэ нэһилиэктэн сайаапка киирдэ. Онтон атыылааһыҥҥа солоҕоннор сайаапка түһэрдилэр. 

Улуус баһылыга Никита Андреев өрөспүүбүлүкэҕэ улуустар икки ардыларыгар оттооһуҥҥа күрэх биллэрбиттэрин, күрүөлээһиҥҥэ үп-харчы көрүллэрин иһитиннэрдэ. Онон бары күүһү оттооһуҥҥа уурары наадалааҕынан ааҕарын биллэрдэ.

0
0
28 января 28.01
  • -48°
  • $ 73,82
  • 83,32